ക്രിസ്റ്റല്‍ ഇഫക്റ്റ്-പ്രണയോപഹാരങ്ങള്‍ 2

ശ്രദ്ധിയ്ക്കുക:ഇതു മുന്‍പെ പ്രസിദ്ധീകരിച്ച ഒന്നിലധികം പോസ്റ്റുകളുടെ തുടര്‍ച്ചയാണ്. തുടക്കം മുതൽ വായിക്കാൻ ഇവിടെ ക്ലിക്ക് ചെയ്യുക. തൊട്ടു മുന്നത്തെ പോസ്റ്റ് വായിക്കാൻ ഇവിടെ ക്ലിക്ക് ചെയ്യുക

പ്രണയത്തിന്റെ ഒരു പ്രത്യേകത,അതു നമ്മളെ കൊണ്ട് അസാധ്യമെന്ന് തോന്നുന്ന പല കാര്യങ്ങളും ചെയ്യിപ്പിക്കുകയും, ചെയ്യുന്ന കാര്യങ്ങള്‍ക്കെല്ലാം അതു വരെ തോന്നിയിട്ടില്ലാത്ത അര്‍ത്ഥങ്ങള്‍ നല്‍കുകയും ചെയ്യും എന്നതാണ്.എത്ര തന്നെ സില്ലി ആയ കാര്യങ്ങള്‍ക്കും വലിയ വലിയ മാനങ്ങള്‍ നല്‍കാന്‍ പ്രണയത്തിന്റെ സ്വാധീനത്തിനു കഴിയുന്നു.ഇതേ തത്വം ഗിഫ്ടുകളുടെ കാര്യത്തിലും അപ്ലിക്കബിള്‍ ആണെന്നത് പാത്തുമ്മ തന്ന ഒരൊറ്റ ഗിഫ്റ്റ് കൊണ്ട് എനിയ്ക്ക് ബോധ്യമായി.എന്റെ റൂമില്‍ ഓരോ പ്രാവശ്യം കയറുമ്പോഴും ഷോ-കെയ്സില്‍ ഇരിയ്ക്കുന്ന പ്രതിമയിലേയ്ക്ക് ഞാന്‍ അറിയാതെ തന്നെ എന്റെ നോട്ടം നീണ്ടു.ഒരു പക്ഷെ അത്രയും കാലം എന്റെ റൂമില്‍ അങ്ങനെ ഒരു ഷോ-കെയ്സ് ഉണ്ടെന്നു പോലും തോന്നിയിരുന്നില്ല.അവള്‍ തന്ന ഗിഫ്റ്റിനെ നോക്കിയിരുന്ന അതേ ശുശ്കാന്തിയില്‍ ഞാന്‍ എന്റെ ടെക്സ്റ്റ് ബുക്കുകളിലേയ്ക്ക് നോക്കിയിരുന്നെങ്കില്‍ ഞാന്‍ റാങ്ക് ഹോള്‍ഡര്‍ ആകുമായിരുന്നു.ആ ഒരു ആംഗിളില്‍ ചിന്തിയ്ക്കുമ്പോള്‍ അവള്‍ എനിയ്ക്ക് വല്ല ടെക്സ്റ്റ് ബുക്കും ഗിഫ്റ്റ് ആയി തന്നിരുന്നെങ്കില്‍ എന്നു ഞാന്‍ ആത്മാര്‍ത്ഥമായി ആഗ്രഹിച്ചിരുന്നു.ആ ആഴ്ച മുഴുവന്‍ പാത്തുമ്മ അവളുടെ വീട്ടില്‍ ആയിരുന്നതിനാല്‍ ഞങ്ങള്‍ക്കിടയില്‍ കാര്യമായിട്ട് ഫോണ്‍ കോളുകള്‍ ഒന്നും ഇല്ലായിരുന്നു.ഈയൊരു കാരണത്താല്‍ തന്നെ ഗിഫ്റ്റിനെ പറ്റിയും അതിന്റെ ആഫ്റ്റര്‍ ഇഫക്റ്റുകളെ പറ്റിയൊന്നും കാര്യമായ ചര്‍ച്ചകള്‍ക്ക് സമയം കിട്ടിയിരുന്നില്ല.ഈ ഒരു ഗ്യാപ്പ് ,അവള്‍ക്ക് തിരിച്ച് എന്ത് കൊടുക്കണം എന്നാലോചിയ്ക്കാന്‍ കൂടുതല്‍ സമയവും നല്‍കി.








ആ ആഴ്ച വീട്ടില്‍ നിന്നും ഹോസ്റ്റലിലേക്ക് ട്രെയിന്‍ കയറിയ ആ മൊമെന്റില്‍ തന്നെ അവള്‍ എന്നെ വിളിച്ചു.പ്രതീക്ഷിച്ചതു പോലെ തന്നെ ആദ്യത്തെ ചോദ്യം


" നീ എനിയ്ക്കെന്തു ഗിഫ്റ്റാ പകരം തരാന്‍ പോണേ...?വേഗം പറ..."


"അതിപ്പൊ എങ്ങനാ പാത്തൂ ഇത്ര പെട്ടെന്നു തന്നെ പറയുക?ചിന്തിയ്ക്കാന്‍ ഇനിയും സമയം ഇല്ലേ..?"അല്പം ഉരുണ്ടു കളിയ്ക്കാന്‍ തന്നെയായിരുന്നു എന്റെ തീരുമാനം.


"അതൊന്നും പറഞ്ഞാല്‍ പറ്റൂല..നീ വാങ്ങിയിട്ട് കൊറിയര്‍ ചെയ്തോ..ആഹാ.ഇന്റടുത്താണോ കളി.." പാത്തുമ്മയും പിന്‍മാറാനുള്ള ഒരുക്കത്തിലായിരുന്നില്ല.


"കൃഷ്ണന്റെയും രാധയുടെയും സ്കള്‍പ്ചറിനു ഇക്വലെന്റ് ആയ ഒരു ഗിഫ്റ്റ് തരണമെന്നുണ്ടെങ്കില്‍ ഇനിയ്ക്ക് നിങ്ങള്‍ടെ മതത്തിലെ പ്രണയ ജോഡികളെ ഒന്നും അറിയില്ല,ഇനിയിപ്പൊ അറിയുമെങ്കില്‍ തന്നെ അവരുടെ ഒക്കെ സ്കള്‍പ്ചര്‍ കിട്ടുമോ ആവോ..?"ഞാന്‍ വീണ്ടും ഡിഫന്‍സ് മോഡിലേക്ക് മാറി.


"പോടാ പ്രാന്താ..നീ ഗിഫ്റ്റ് തരേണ്ട..." ഗിഫ്റ്റിനെ പറ്റിയുള്ള ചര്‍ച്ച തല്‍ക്കാലത്തേയ്ക്ക് അവിടെ അവസാനിച്ചു.അവളോട് ഇങ്ങനെയൊക്കെ പറഞ്ഞെങ്കിലും അപ്പോഴും എന്തു തിരിച്ചു കൊടുക്കും എന്നതിനെ പറ്റി എനിയ്ക്ക് യാതൊരു ഐഡിയയും ഇല്ലായിരുന്നു.ഏതു കണ്‍ഫ്യൂഷനും പരിഹരിയ്ക്കാന്‍ ഗൂഗിളമ്മച്ചി ഉള്ളപ്പോള്‍ പിന്നെന്തിനു വിഷമിക്കണം എന്നത് അന്നേരം മാത്രമാണ് എന്റെ തലയില്‍ കത്തിയത്.ഇനിയും കൂട്ടുതല്‍ സമയം ചിന്തിച്ച് വെയിസ്റ്റ് ആക്കാതെ ഗൂഗിള്‍ എടുത്തു "love+gift+girl" എന്ന കീവേഡ് കോമ്പിനേഷനില്‍ ഒരു വെബ് സെര്‍ച്ചും ഇമേജ് സെര്‍ച്ചും കൊടുത്തു.ഗൂഗിള്‍ ഏതായാലും നിരാശപ്പെടുത്തിയില്ല,പാവക്കുട്ടി മുതല്‍ പാന്റീസ് വരെ ഉല്‍പ്പെടുന്ന ആയിരക്കണക്കിന് സെര്‍ച്ച് റിസള്‍ട്ടുകള്‍..! മേല്‍പറഞ്ഞ രണ്ട് ഓപ്ഷനുകളും ആദ്യം തന്നെ തള്ളിക്കളഞ്ഞുകൊണ്ട് ഞാന്‍ ബാക്കി ഓപ്ഷനുകള്‍ നോക്കാന്‍ തുടങ്ങി.സെര്‍ച്ച് റിസള്‍ട്ടുകളില്‍ ഭൂരിഭാഗവും പിങ്ക് കളറിലുള്ള എന്തെങ്കിലും ഒക്കെ വസ്തുക്കള്‍ ആയിരുന്നു.പിങ്ക് ഒരു ഫെമിനൈന്‍ കളറാണെന്നത് ഒരു യാഥാര്‍ത്ഥ്യം ആണെങ്കിലും പാത്തുമ്മയ്ക്ക് തീരെ ഇഷ്ടമില്ലാത്ത കളര്‍ ആയിരുന്നു .(എന്നെ പോലെ തന്നെ അവളുടെയും ഇഷ്ട നിറം ചുവപ്പാണെന്നത് എന്നെ കുറച്ചൊന്നുമല്ല സന്തോഷിപ്പിച്ചിരുന്നത്).ഈ ഒരു കാരണം കൊണ്ട് സെര്‍ച്ച് റിസള്‍ട്ടുകളില്‍ നിന്ന് പിങ്ക് ഗിഫ്ടുകളെയും ഞാന്‍ ഒഴിവാക്കി.പിന്നെ ബാക്കിയായ റിസള്‍ട്ടുകളെല്ലാം എന്റെ ബജറ്റിന് ഇണങ്ങാത്തവ ആയിരുന്നു(ഓര്‍ക്കണം,അക്കാലത്ത് ആകെ ഉണ്ടായിരുന്ന വരുമാനം വീട്ടില്‍ നിന്നും 'നുണ' പറഞ്ഞ വാങ്ങുന്ന കാശ് മാത്രമായിരുന്നു.).അങ്ങനെ ഗൂഗിള്‍ അമ്മച്ചിയും എന്നെ കൈവിട്ടു.








ഏതായാലും പാത്തുമ്മായ്ക്ക് കൊടുക്കാനുള്ള ഗിഫ്റ്റ് വാങ്ങിയേ തീരൂ എന്നുറച്ച് പിറ്റെ ദിവസം ഉച്ചയ്ക്കു തന്നെ ക്ലാസില്‍ നിന്നിറങ്ങി.സമീപ പ്രദേശത്തുള്ള എല്ലാ ഗിഫ്റ്റ് ഷോപ്പുകളും കയറി തപ്പുക എന്നതായിരുന്നു അജന്‍ഡ.കൂട്ടിന് ഒരു പെണ്‍ സുഹൃത്തായ അനുവിനെയും വിളിച്ചു.ഈ പെണ്‍ സുഹൃത്ത് പണ്ടൊരിയ്ക്കല്‍ എന്റെ വെക്കേഷന്‍ ഫ്രണ്ട് ആയിട്ടുണ്ടെന്നത് വേറെ കാര്യം.അന്നു വാങ്ങി കൊടുത്ത ഗിഫ്റ്റിനെ പറ്റിയുള്ള വിമര്‍ശനങ്ങളും പരാതികളും ഇതു വരെ തീര്‍ന്നിട്ടില്ലാത്തതിനാല്‍ ഈ കാര്യത്തിന് അവളെക്കാള്‍ നല്ല ഒരു ഗൈഡ് ആയി വേറെ ആരും ഇല്ലായിരുന്നു.മൂന്നു കടകളില്‍ ഞങ്ങള്‍ കയറി ഇറങ്ങിയെങ്കിലും ഒന്നും തന്നെ വാങ്ങിയില്ല.എനിയ്ക്കിഷ്ടപ്പെടുന്നതൊന്നും അനുവിന് ഇഷ്ടപ്പെടില്ല,അനുവിനു ഇഷ്ടപ്പെടുന്നതൊന്നും എനിക്കും ഇഷ്ടപ്പെടില്ല ഇനിയിപ്പൊ ഞങ്ങള്‍ക്ക് രണ്ടുപേര്‍ക്കും ഇഷ്ടപ്പെട്ടതാണെങ്കില്‍ പോക്കറ്റില്‍ ഒതുങ്ങുകയുമില്ല.മൂന്നു ഷോപ്പുകളില്‍ കയറിയപ്പോഴേയ്ക്ക് തന്നെ അനുന്റെ ക്ഷമ നശിച്ചിരുന്നു.'നിന്റെ ഒരു മാഞ്ഞാളം' എന്നു എന്നോടു പറയാതെ തന്നെ അവളുടെ മുഖഭാവത്തില്‍ നിന്നും ഞാന്‍ വായിച്ചെടുത്തു.


"എനിയ്ക്കൊരു ഗിഫ്റ്റ് തരാനുണ്ടായിരുന്നപ്പോള്‍ എന്തേ ഇത്രയ്ക്കൊന്നും റിസര്‍ച്ച് നടത്താഞ്ഞേ..?അന്നു നീ കണ്ണു ചിമ്മി ആയിരുന്നല്ലോ തിരഞ്ഞെടുത്തത്..."അനു ചിണുങ്ങിക്കൊണ്ട് പറഞ്ഞു


"നീ എന്റെ ഫ്രണ്ടാണ് പക്ഷെവ് അതു പോലെ അല്ലല്ലോ അവള്‍..കാമുകി അല്ലേ..ഒന്നു ക്ഷമിക്കൂ പെങ്ങളേ.." പെങ്ങളേ എന്ന ആ വിളിയിലൂടെ അവളെ ഒന്നു മയപ്പെടുത്തിയെടുക്കാനായി.അതൊരിയ്ക്കലും ആലങ്കാരികമായ ഒരു വിളി അല്ലായിരുന്നു അതുകൊണ്ട് തന്നെ ഇന്‍സ്റ്റന്റേനിയസ് ആയി അതിന്റെ ഫലവും കണ്ടു.


"സോപ്പിടല്‍ ഒക്കെ നിര്‍ത്ത്,ഒരു ഷോപ്പില്‍ കൂടെ കയറും അവിടെ നിന്ന് എന്തെങ്കിലും ഒക്കെ വാങ്ങിക്കോണം..ഇല്ലേല്‍ ...ഹാ.."ഭീഷണി സ്വരത്തില്‍ അവള്‍ പറഞ്ഞു.


"ശരി മാഡം..നിന്നോടല്ലാതെ വേറെ ആരോടെങ്കിലും ഇതൊക്കെ പറയാന്‍ പറ്റുമോ..?അത്വോണ്ടല്ലേ.." സീരിയലുകളില്‍ നിന്നും അടര്‍ത്തി എടുത്തതു പോലുള്ള ഒരു സെന്റി ഡയലോഗ് ഞാന്‍ എടുത്തു കാച്ചി.തല്‍ക്കാലത്തെയ്ക്ക് അനു-നെ സൈലന്റ് ആക്കാന്‍ അത്രയും മതിയായിരുന്നു.








അടുത്ത ഷോപ്പിലും കഴിഞ്ഞ മൂന്നിടത്തും കണ്ടതില്‍ നിന്ന് വ്യത്യസ്തമായി ഒന്നും ഇല്ലായിരുന്നു.അവിടെ നിന്നും എന്തെങ്കിലും വാങ്ങിയേ പറ്റൂ എന്ന അനു-ന്റെ അന്ത്യശാസനം ലംഘിയ്ക്കണോ വെണ്ടയോ എന്നാലോചിച്ച് നില്‍ക്കുമ്പോളാള്‍ അവിടത്തെ ഒരു സെയില്‍സ് മാന്‍ ഞങ്ങളുടെ അടുത്തേയ്ക്ക് വന്നു .ഞങ്ങളുടെ സംഭാഷണം കേട്ടിട്ടായിരിക്കണം,അയാള്‍ പറഞ്ഞു


"ബുക്കുകള്‍ വെച്ച സെക്ഷനില്‍ ക്രിസ്റ്റല്‍സ്(crystals) ഉണ്ട് അതു കൂടി ഒന്നു നോക്കൂ സാര്‍.ലൗവറിനുള്ള ഗിഫ്റ്റ് ആണെങ്കില്‍ crystals തികച്ചും apt ആയിരിക്കും.Crystals symbolise pure love"


അയാളുടെ'സാര്‍' വിളി എനിയ്ക്ക് നന്നായിട്ടൊന്നു സുഖിച്ചെങ്കിലും അതിനേക്കാളേറെ അയാള്‍ പറഞ്ഞ അവസാനത്തെ സെന്‍ന്റന്‍സ് ആയിരുന്നു എനിക്കിഷ്ടായതു്.പലപ്പോഴും വളരെ സെന്‍സിബിള്‍ ആയ പല കാര്യങ്ങള്‍ കേള്‍ക്കുന്നതു് തീരെ അപ്രതീക്ഷിതമായ അവസരങ്ങളില്‍ തികച്ചും അപ്രതീക്ഷിതമായ വ്യക്തികളില്‍ നിന്നും ആയിരിയ്ക്കും.ആ സെയില്‍സ് മാന്‍ പറഞ്ഞ കാര്യവും അതു പോലെ ആയിരുന്നു.സുതാര്യമായ ഒരു ക്രിസ്റ്റല്‍ പരിശുദ്ധമായ പ്രണയത്തിന്റെ പ്രതീകമാണെന്ന് പറഞ്ഞാല്‍ അത് അല്പം കാവ്യ ഭംഗി കൂടിയുള്ള ഒരു പ്രസ്താവനയാണ്.ക്രിസ്ടല്‍ വാങ്ങുന്നതിന് എനിയ്ക്ക് രണ്ടാമതൊന്ന് ആലോചിക്കേണ്ടി വന്നില്ല.അനുവിനും അതേ അഭിപ്രായം തന്നെ ആയിരുന്നു.പാത്തുമ്മാന്റെ കയ്യില്‍ ഒതുങ്ങുന്നതും,എന്റെ പോക്കറ്റ് ഫ്രണ്ട്ലി ആയതുമായ ഒരു ക്രിസ്റ്റല്‍ തിരഞ്ഞെടുക്കാന്‍ ഞങ്ങള്‍ക്ക് പിന്നെ അധികം നേരം വേണ്ടി വന്നില്ല.ക്രിസ്റ്റല്‍ gift-wrap ചെയ്ത് വാങ്ങി അവിടെ നിന്നും ഇറങ്ങുമ്പോള്‍ സെയില്‍സ് മാനോട് പ്രത്യേകം നന്ദി പറയാന്‍ ഞാന്‍ മറന്നില്ല.അത്രയും നേരത്തെ കഷ്ടപ്പാടിനെ പരിഗണിച്ച് അനു-നെയും കൂട്ടി കഫെ കോഫി ഡേ-യില്‍ പോയി.കാപ്പിയും നുണഞ്ഞു അവിടെയിരിക്കുമ്പോള്‍ ഞാന്‍ പാത്തൂനെ വിളിച്ചു.തിരഞ്ഞെടുത്ത ഗിഫ്റ്റിനെ പറ്റി പറയാന്‍ uncontrollable ആയ ഒരു ത്വരയുടെ പുറത്തായിരുന്നു ആ കോള്‍.


"നിനക്കുള്ള ഗിഫ്റ്റ് റെഡി..അതെന്നു തരണം എന്നതു മാത്രമേ ഇനി തീരുമാനിക്കേണ്ടതുള്ളു."ഹലോ പോലും പറയാതെ ഞാന്‍ തുടങ്ങി.


"ആഹാ..നല്ല കുട്ടി..എന്താണാ വിശിഷ്ട സമ്മാനം..?" അവളുടെ ആകാംഷയോടെ ചോദിച്ചു.


"അതിനെ പറ്റി പറയാന്‍ ഇവിടെ ഒരു സ്പെഷല്‍ ഗസ്റ്റ് ഉണ്ട്.."ഇത്രയും പറഞ്ഞുകൊണ്ട് ഞാന്‍ ഫോണ്‍ അനു-നു കൈമാറി.


പത്തു മിനിട്ടോളം നീണ്ട സംഭാഷണത്തിനൊടുവില്‍ അനു എനിയ്ക്ക് ഫോണ്‍ തന്നു.


"dear..എനിച്ചിപ്പം കിട്ടണം എന്റെ ക്രിസ്റ്റല്‍.ഓള്‍ടെ description കേട്ടിട്ട് അത് കാണാന്‍ കൊതി ആകുന്നു.എനിയ്ക്ക് വയ്യ നാലാഴ്ച കാത്തുനില്‍ക്കാന്‍" അവള്‍ ഒരൊറ്റ ശ്വാസത്തില്‍ ഇത്രയും പറഞ്ഞു തീര്‍ത്തു.


"ഇപ്പോതന്നെ വേണന്നു പറഞ്ഞാല്‍ എങ്ങനാ പാത്തൂ...?ഒരു കാര്യം ചെയ്യ്,നീ നാളെ തന്നെ ഇങ്ങോട്ട് പോര്.."ഞാന്‍ അവളെ കളിയാക്കി.


"കൊറിയര്‍ ചെയ്യൂ..പ്ലീസ്..മുന്‍പൊരിക്കല്‍ നീ പറഞ്ഞതു പോലെ നമുക്ക് വേണ്ടിയല്ലേ professional courier service..?" അവള്‍ ആവശ്യം കുറച്ചു കൂടി വ്യക്തമാക്കി.


"കൊറിയര്‍...ഞാനന്നു പുസ്തകം അയച്ചപ്പോഴല്ലെ അങ്ങനെ പറഞ്ഞത്.ഗിഫ്റ്റിന്റെ കാര്യത്തില്‍ അത്..ശരിയാവില്ല.."ഞാന്‍ ഡിഫന്‍ഡ് ചെയ്യാന് ശ്രമിച്ചെങ്കിലും ഫോണ്‍ സംഭാഷണം തീര്‍ന്നപ്പോഴെയ്ക്കും അന്നു തന്നെ ആ ക്രിസ്റ്റല്‍ കൊറിയറില്‍ അയക്കാം എന്ന് ഞാനവള്‍ക്ക് ഉറപ്പു കൊടുത്തിട്ടുണ്ടായിരുന്നു. ആ നേരമത്രയും അനു എന്നെ നോക്കി ചിരിച്ചുകൊണ്ടിരിക്കുകയായിരുന്നു. അവള്‍ ചിരി തുടര്‍ന്നുകൊണ്ടുതന്നെ പറഞ്ഞു


"അവളോട് സംസാരിച്ചാല്‍ ചെറിയ കുട്ടികളോട് സംസാരിക്കുന്നതു പോലെയാ..ശബ്ദം,സംസാര ശൈലി പിന്നെ കൊഞ്ചലും.."


"ആ കുട്ടിത്തം തന്നെയാണ് അവളെ സംബന്ധിച്ച് എനിയ്ക്കേറ്റവും ഇഷ്ടപ്പെട്ട കാര്യവും..." ഞാന്‍ വെറുതെ പറഞ്ഞതായിരുന്നില്ല......





തല്‍ക്കാലത്തേയ്ക്ക് നിര്‍ത്തുന്നു.വിചാരിച്ചതിലേറെ ഇപ്പോള്‍ തന്നെ നീണ്ടു പോയി.


..to be continued..

അടുത്ത ഭാഗം വായിക്കുന്നതിനായി ഇവിടെ ക്ലിക്ക് ചെയ്യുക





Epilogue:എന്റെ ജീവിതത്തില്‍ സംഭവിച്ച കാര്യങ്ങളെ exaggerate ചെയ്യാതെയും കൂടുതല്‍ നാടകീയമാക്കാതെയും അതേ പോലെ പകര്‍ത്തുക ആയതിനാല്‍ നിങ്ങളുടെ പ്രതീക്ഷയ്ക്കൊത്തുള്ള നിലവാരം ഈ ബ്ലോഗിനില്ലെങ്കില്‍,my sincere apologies.However,criticisms are wholeheartedly welcomed.

Comments

  1. After a long long period u started writing.. keep on writing. U have talent. I think your writing has some sort of reality. dat s the essential think needed for a writer. best of luck..

    ReplyDelete
  2. മനോഹരം എന്ന് പറഞ്ഞാല്‍ അത് വെറുതെ ആവില്ല കൂട്ടുകാരാ..
    ഞാന്‍ തുടക്കം മുതല്‍ ദാ ഇവിടം വരെ ഒറ്റ സ്ട്രെട്ച്ചില്‍ വായിച്ചു തീര്‍ത്തു...
    ശരിക്കും എന്താ പറയ്ക... വാക്കുകള്‍ കിട്ടണില്ല.. ആ കോച്ചിംഗ് ക്ലാസ്സു മുതല്‍ ഞാന്‍ നിങ്ങളോടൊപ്പം ഉണ്ട്..... ഹും! അടുത്ത ഭാഗം പെട്ടെന്ന്‍ വര്വോ?
    ഫോളോ ചെയ്യാനുള്ള ഓപ്ക്ഷന്‍ കാണുന്നില്ലാലോ..

    ReplyDelete
  3. @കണ്ണന്‍ | Kannan
    അഭിനന്ദനത്തിനു നന്ദി.കാര്യങ്ങള്‍ ഓര്‍ത്തെടുക്കുക എന്നത് എന്നെ സംബന്ധിച്ച് ഒരു self-torturing ആണു.അതു കൊണ്ട് അടുത്ത ഭാഗം എന്ന് എന്നത് വല്ല്യ ഒരു ചോദ്യം ആണു.ഫോളോ ചെയ്യാന്‍ നാവ്-ബാറില്‍ ഓപ്ഷന്‍ ഇല്ലെന്നു തോന്നുന്നു.എന്തു ചെയ്യും?

    ReplyDelete
  4. read this http://www.google.com/support/blogger/bin/answer.py?hl=en&answer=141483

    ReplyDelete
  5. Good!! Loved the writing style!!!

    ReplyDelete
  6. ഞാൻ ബുക്ക്മാർക്ക് ചെയ്തു വായിക്കുന്ന ഒരു ബ്ലൊഗ് ആണിതു. കമന്റ് എഴുതുക എന്ന ഒരു ശീലമില്ലാത്തത് മൂലമാണൂ എഴുതാത്ത്ത്, തുടരുക, തുടരുക.

    ReplyDelete
  7. എന്തായാലും അവസാനം തല്ലിപിരിയുകയല്ലേ അതും കൂടി എങ്ങനാണെന്ന് അറിഞ്ഞാല്‍ കൊള്ളാമായിരുന്നു.
    പെട്ടന്ന് എഴുത് വേദനയോടെ കാത്തിരിക്കുന്നു.

    ReplyDelete
  8. good mate...atlast u started continuing it...well wisher from prc..hope u got me

    ReplyDelete
  9. @പഞ്ചാരക്കുട്ടന്‍
    മെഗാ സീരിയലിന്റെ ആദ്യത്തെ ആഴ്ച്ച പിന്നിട്ടിട്ടേ ഉള്ളൂ..ക്ലൈമാക്സിലേക്കൊക്കെ ഇനിയെത്ര ദൂരമുണ്ടെന്നാ..:)

    @കണ്ണന്‍ | Kannan
    ഈ ബ്ലോഗ് അതിന്റെ ശൈശവാവസ്ഥയില്‍ ആയതിനാല്‍ ആ ഗാഡ്ജെറ്റ് അവെയ്ലബിള്‍ അല്ല.പിന്നെ ഫോള്ളോവേസ് ഉണ്ടായാല്‍ ഈ ബ്ലോഗ് സ്ഥിരമായി അപ്ഡേറ്റ് ചെയ്യുകയും,നിലവാരം കാത്തു സൂക്ഷിക്കുകയും വേണ്ടതായി വരും.അതെനിക്ക് ഭാരിച്ച ഒരു ഉത്തരവാദം ആയിരിക്കും.

    @nikhilroynr,elora
    Thank you for your support..

    @wellwisher from prc
    നിന്നെ ഞാനെടുത്തോളാം..!!!:X

    ReplyDelete
  10. enthaa njaan parayuka...orupaadishtaayi...ningalude pranayam...sharikkum feel cheyyunnund....coz...ith ente koodi kathayaanu...alpam vythysamundengilum....eagrly waiting for next parts

    ReplyDelete
  11. നന്നായി എഴുതുന്നു! സെറ്റിംഗ്സിൽ ബ്ളോഗ് ലാംഗേജ് ഇംഗ്ളീഷ് ആക്കിയാൽ ഫോളേവേഴ്സ് വിഡ്ജെറ്റ് ആഡ് ചെയ്യാം...
    അതുകൊണ്ട് മലയാളം പോസ്റ്റുന്നതിലോ വായിക്കുന്നതിലോ കുഴപ്പമില്ല

    ReplyDelete
  12. dey machampi bakki ezhuthu mashe..
    ee blog kandu pidikkan enthu paadanenno.. ennittum search cheythu kandu pidichu vannu nokkumpol no updates.. please update yer blog... #lebal: anubhavangal ortheduthu ezhuthuka ennu paranjaal athoru tharaththil mental torcherng(self) annenu ariyanjittalla... oru vayanakkaran enna nilayil enikku chodikkathirikkanum kazhiyunnilla.. :-(

    ReplyDelete
  13. Waiting for the next parts....
    @Kannan pranjathu pole "search cheythu kandu pidichu vannu nokkumpol no updates"

    Please update!!!!

    ReplyDelete
  14. manushyane engane tension akaathe onnu vegam ezhuthoo mashe.........

    ReplyDelete
  15. എനിക്കും ഉണ്ടായിരുന്നു ഒരു പ്രണയം....... still i love her... ഏകദേശം തുടക്കം നിങ്ങളുടെതൊക്കെ പോലെ.... മെസ്സേജ് ആയിരുന്നു എന്റെ പ്രണയം തെളിയിച്ചത്‌... but.. i dnt know how to propose her..i failed in expressing my love... ശരിക്കും നിങ്ങളോട് അസൂയ തോന്നന്നു...

    ReplyDelete

Post a Comment

Popular posts from this blog

പിണക്കവും ഇണക്കവും ചില റിങ്ങ്ടോണുകളും

After effects of '96- The movie

വീണ്ടു വിചാരങ്ങൾ -- തുടര്‍ച്ച.